భావన ఏడుస్తోంది....
కానీ ఎవ్వరూ దాన్ని పట్టించుకోవట్లేదు ఒక్క భావన తమ్ముడు పదేళ్ళ బాలూ తప్ప. వాళ్ళమ్మ ఓరకంట చూస్తూనే కూరలు తరుక్కుంటోంది. అమ్మమ్మ పుస్తకం చదువుకుంటోంది.
ఎవ్వరూ పట్టించుకోవట్లేదని భావన దుఖం ఇంకా ఎక్కువవుతోంది.
"ఛీ నేను ఏడిచినా ఎవ్వరూ పట్టించుకోవట్లేదు... ఎంతసేపు ఏడవాలి? ఎవరైనా ఓదారిస్తే ఆపెయ్యచ్చు అనుకుంటే వీళ్ళకి చీమ కుట్టినట్టు కూడా లేదు... ఓదార్చకుండా ఆపేస్తే ఇంక నాకు విలువుండదేమో. కాసేపు ఏడిచి అదే ఊరుకుంటుందిలే అనేసుకుంటారు .. "
చూసింది చూసింది ... ఒక్క అరుపు అరిచింది వాళ్ళమ్మ. "ఏయ్ ఇంక ఆపవే. నువ్వెంత ఏడ్చినా ఆ బార్బీ బొమ్మ కొనేది లేదు. ఒక బొమ్మ పెట్టుకున్నావ్ కదా ఇప్పటికే మళ్ళా ఏంటి? "
"బార్బీ బొమ్మ చూస్తే నాకు కొనుక్కోవాలని ఆశ కలుగుతుంది. నా ఫ్రెండ్స్ అందరి దగ్గరా కూడా రెండు మూడు బొమ్మలున్నాయి. " ఏడుపాపి తనూ అరిచింది భావన.
"నాకూ ఆశగా ఉంది. నీకు మేథ్స్ లో సెంట్ పెర్సెంటు, మిగతా అన్ని సబ్జెటుల్లో నైంటీ పెర్సెంటూ వస్తే చూడాలని. ముందు నువ్వు నా ఆశ తీర్చు. తర్వాత నీ ఆశ నేను తీరుస్తా ..."
వాళ్ళమ్మ వ్యంగ్యంగా అన్న మాటలకి, అమ్మమ్మ సమర్ధింపు చూపు కీ, ముక్కంతా కోపంతో ఎరుపెక్కిపోయింది భావన కి. "దేనికీ దేనికీ లింకు పెడతారు? " అంటూ కోపంగా అక్కడినుంచి గదిలోకి వెళ్ళిపోయింది.
అమ్మనీ, అమ్మమ్మనీ కోపంగా చూస్తూ బాలూ కూడా తుర్రుమని అక్క వెనకాలే గదిలోకి పరుగెట్టాడు.
"అక్కా ఏడవకు. మన రాములవారి గుళ్ళో పదకొండు ప్రదక్షిణాలు చేశావంటే నీ కోరిక తీరుతుంది. నీకు నేను తోడొస్తా పద వేళ్దాం ..." అంటూ అక్క చెయ్యి పట్టి లాగుతున్న బాలూ గాడి వంక చూసి పకా పకా నవ్వడం పెద్దాళ్ళ వంతయింది.
కానీ ఎవ్వరూ దాన్ని పట్టించుకోవట్లేదు ఒక్క భావన తమ్ముడు పదేళ్ళ బాలూ తప్ప. వాళ్ళమ్మ ఓరకంట చూస్తూనే కూరలు తరుక్కుంటోంది. అమ్మమ్మ పుస్తకం చదువుకుంటోంది.
ఎవ్వరూ పట్టించుకోవట్లేదని భావన దుఖం ఇంకా ఎక్కువవుతోంది.
"ఛీ నేను ఏడిచినా ఎవ్వరూ పట్టించుకోవట్లేదు... ఎంతసేపు ఏడవాలి? ఎవరైనా ఓదారిస్తే ఆపెయ్యచ్చు అనుకుంటే వీళ్ళకి చీమ కుట్టినట్టు కూడా లేదు... ఓదార్చకుండా ఆపేస్తే ఇంక నాకు విలువుండదేమో. కాసేపు ఏడిచి అదే ఊరుకుంటుందిలే అనేసుకుంటారు .. "
చూసింది చూసింది ... ఒక్క అరుపు అరిచింది వాళ్ళమ్మ. "ఏయ్ ఇంక ఆపవే. నువ్వెంత ఏడ్చినా ఆ బార్బీ బొమ్మ కొనేది లేదు. ఒక బొమ్మ పెట్టుకున్నావ్ కదా ఇప్పటికే మళ్ళా ఏంటి? "
"బార్బీ బొమ్మ చూస్తే నాకు కొనుక్కోవాలని ఆశ కలుగుతుంది. నా ఫ్రెండ్స్ అందరి దగ్గరా కూడా రెండు మూడు బొమ్మలున్నాయి. " ఏడుపాపి తనూ అరిచింది భావన.
"నాకూ ఆశగా ఉంది. నీకు మేథ్స్ లో సెంట్ పెర్సెంటు, మిగతా అన్ని సబ్జెటుల్లో నైంటీ పెర్సెంటూ వస్తే చూడాలని. ముందు నువ్వు నా ఆశ తీర్చు. తర్వాత నీ ఆశ నేను తీరుస్తా ..."
వాళ్ళమ్మ వ్యంగ్యంగా అన్న మాటలకి, అమ్మమ్మ సమర్ధింపు చూపు కీ, ముక్కంతా కోపంతో ఎరుపెక్కిపోయింది భావన కి. "దేనికీ దేనికీ లింకు పెడతారు? " అంటూ కోపంగా అక్కడినుంచి గదిలోకి వెళ్ళిపోయింది.
అమ్మనీ, అమ్మమ్మనీ కోపంగా చూస్తూ బాలూ కూడా తుర్రుమని అక్క వెనకాలే గదిలోకి పరుగెట్టాడు.
"అక్కా ఏడవకు. మన రాములవారి గుళ్ళో పదకొండు ప్రదక్షిణాలు చేశావంటే నీ కోరిక తీరుతుంది. నీకు నేను తోడొస్తా పద వేళ్దాం ..." అంటూ అక్క చెయ్యి పట్టి లాగుతున్న బాలూ గాడి వంక చూసి పకా పకా నవ్వడం పెద్దాళ్ళ వంతయింది.
No comments:
Post a Comment